ONE HELL OF A SONG

Kum 2024 Pawlkut thla chawhma lam a ni a khumah hla ngaithla pahin lehkhabu ka chhiar a tukverh aṭang hian thli hian min rawn chhem heuh heuh a, a vawh deuh ser ser avangin fan off tur chuan ka tho a tukverh lam ka va hawi phei chu ka hmuh theih chin zawng zawng hi chhum hian a lo khat vek mai a, a mawi ngang mai. Hla tak a chhimbal zam mawi tak chu ka va hmù thei bawk . Thlalak tumin ka phone ka la a tukverh ka hawng a sava chi hrang hrang hram ri te chu ka hre thei a rimawi hian min awi a ni ber. Ka awmna hmun chu vanram ang mai hian ka hria, boruak a nuam in a thiang em em bawk a ka mumang a nih deuh ring in ka taksa ka sik leh ṭhin a tak ngei a ni bawk si.Ka lehkhabu chhiar lai ka va la a tukverh a dâk chung chuan phek lo in keu sa chu ka chhiar nawn leh a;

             'Twas my one Glory 

                       Let it be

                    Remembered 

              I was owned of thee

                 ~Emily Dickinson 

Bible chang pakhat ka rilru a a rawn lang nghal ve bawk. 

                   Sam 100:3

   LALPA chu Pathian a ni tih hre rawh u,

Min siamtu chu amah chu a ni a,ama ta kan ni. 

A mite leh a ran tlatna hmuna berâmhote chu kan ni.

Mihring hi Pathian ta kan ni a  Pathian fa kan nihna te chu ka thinlungah hian a rawn thar leh a, ka suangtuahna khawvelah ka cheng thut ni hian ka hria harsatna leh lungngaihna zawng zawng a bo,  mahse heng chhum mawi tak tak te leh chhimbal te hi tlai ni tlak rualin an bo leh mai awm si a. Chutiang chiah chuan hringnun pawh hi a vul lai a rei lo em em a chhum rei lo te lo lang a ral leh ang mai hi a ni. Kan tun hun pawimawh zia te chu ka ngaihtuah a nakinah chuan kan vawiin hun hian kan chatuan hun tur a la hril ve dâwn si a. Ka ngaihtuahnaah thil hrang hrang a rawn lut a ka hla ngaihthlak te chu ka ngaithla zawm a. 

🎧

We had our head in the clouds

Thought we had it all figured out

Planning to fly away

To escape everything on the ground

But like a plane up in space

We slowly drifted away

And every plan that we made

And dream that we chased

Are just memories now

They're just memories now

Vansang a thlawhna muang chang a an thlawk riai riai a an bo leh daih ṭhin ang hian khu riai riai ila ral riai riai ila tham delh delh ila bo vang vang ila tiin ka suangtuahna khawvelah bikbo na tur ka zawng thin a, chhum zingah khian kalin an bo rualin bo ve daih ila tih te chu ka ngaihtuahna ah a rawn lut a, chutia thil hrang hrang ka ngaihtuah lai chuan thil êng de ve ve hian min rawn pan a min rawn hnaih tial tial a ka mit vai a nih ringin ka mit ka han nuai a a lo ni der si lo, a mak hle mai ka bul a rawn thlen chuan mihring ruang âm nei thla pathum nei te tak te hi a lo ni a.Vantirhkoh Uriel-a ka ni duhthusam kawngka vengtu ka ni a i duhthusam khawvelah chuan hruai tur che a lo kal ka ni a ti a, chhum zingah chuan min thlawh pui ta a chutia kan thlawh chiah chuan ramsa lian tak ah hian a chang a a chungah chuan min chuan tir a, hmun pakhat chhûmin a hliah khuh vek hmun ropui leh lian takah hian kan thlawk lut a tah chuan vantirhkoh tam tak hmel hmang leh pianzia in ang lo tak tak hi an lo awm a, a ṭhenin thla an nei a a ṭhenin an nei lo, an hnathawh ber chu mihringte duhthusam tih hlawhtlinsak a ni. Vantirhkoh Uriel-a chuan vansang aṭang mihringte chenna hmun chu min entir a thil êng tak hian min rawn chhun a hmuh theih loh thlarauah kan chang a mihringte khawvelah chuan kan awm leh ta.Vantirhkoh tam tak lei a mihringte zing a lo awm chu ka hmu thei a an tam hle mai. Vantirhkoh ṭhenkhat chuan chanchinṭha an keng a ṭhenkhat erawh vantirhkoh tlu sual van aṭang a lo chhuk te an ni. In pakhatah hian kan va lut a tah chuan mi pakhat hi a lo ṭawngṭai mêk a, a bulah vantirhkoh pahnih hian an lo dinchilh bawk a, Vantirhkoh Uriel-a chuan ṭawngṭaina hian thil a ti thei a sin en la kum tam tak zu a lo in tawh a nghei a duh a amaherawh chu amah buantu vantirhkoh sual van aṭang a lo chhuk a saw a chak rih em avangin a tlu leh thin a ni, mahse Pathianin a ṭawngṭaina a hria a theihtawp a a beih let zel chuan hnehna a chang thei a ni. Engah nge a ni pawh a la beidawng lova nang beidawn a tham ral i duh min ti ta a ka ngawi reng a engtin mah ka chhang lo a. Thawk leh khatah van lamah chuan kan thlawk chho leh ta daih a hmun pakhat kawngka lian tak awmna ah hian kan va lut a Vantirhkoh tam tak an lo awm leh a ṭawngṭaina ngaithlatu vantirhkoh an ni a mihringte ṭawngṭaina zawng zawng chu ziak hian an lo chhinchhiah zel a chutiang zel chuan mihringte thil tih zawng zawng ziak a chhinchhiahna hi a hrang vek in a lo awm bawk a. Hun thununtu dinglam a ṭhu Enok-a bulah an thlen chho leh ṭhin a ni. Kan kal zel a chhum chhah dum nguk mai hmun hi kan va thleng a, a vawt em em mai a vantirhkoh thla pahnih neiin kawngka an lo veng a chu chu ruahsur tirtu vantirhkoh te an ni, ruahsur nan kawngka chu an hawng ṭhin a ni. Van sarihna hmun Hun thununtu awmnaah chuan min hruai a Vantirhkoh Metatron mihring nen a palai hnathawk thla pasarih nei hian dan ziakna bu chu a keu a mihringte khawvelah lei a ka thil tih rah ka la seng zawh loh seng tur a hruai thlak ni leh tur a thu pek ka ni a Vantirhkoh Uriel chuan mihringte khawvelah chuan min dah leh ta a. 

Ka harh chhuak zawk a ka mumang mai hi a lo ni a mahse a tak tak a ang si ka khawvel chu a pangai leh vek a tukverhah ka han dak chhuak a khúa chu a lo thim tawh a ka han hawi a thlà leh arsi te chu an lo phe êng uar a, chhohreivung leh siruk te chu a in hnaih em em a arkai den zan a ni a thla kiangah chuan Chawngmawii leh Hrangchhuana leh Siaia te in hnaih hlawm tak hian an lo awm bawk a boruak chu a nuam hle mai. Earphone ka vuah a Emily Dickinson poem ka chhiar lai chu ka keng bawk a Charlie(zawhte) hian min lo zui bawk a thla êng hnuaiah chuan ka va chhuak a. Boruak nuam tak mai chuan lung a ti lêng hle a. Tatea Royte chhamhla ziah;

Eng tin tak hlahril chu ziak ang i maw? 

Thinlung ril ber aṭanga chhuak a nih si loh chuan

Hlahril chu engtin nge a nun theih ang? Tih te chu ka thinlung ah hian a rawn lang nawlh mai. 

Chutia thlà eng hnuaiah lehkhabu ka chhiar lai chuan Charlie hi a rawn ṭawng thut mai, mak ka tiin ka phu nasa hle a kan khawvel ang chiah khawvel dang Kepler-452b(Duhthusam khawvel) ah ka awm thu min hrilh a engmah danglam kha a awm si lo ka awmna khawvel erawh a dang a nungcha tinreng te nen ṭawng kan inhre pawh vek thei hi a lo ni a, Charlie chuan mitam tak duhthusam khawvelah hian an duhthusam te ti hlawhtling turin an lo kal ṭhin a mahse nun awmzia an hriat loh avangin an boral ṭhin a ni a ti a. Nun chu eng nge ni tiin ka zawt a pian leh thih inkar hi nun chu a ni mai a ti a ka va hrethiam lo tak em. Khawvel lo awm ṭan dan pawh kan hre lova khawvel tawp hun tur pawh kan hre hek lo mihring hi kan nung ve tawp a, tu nge thu dik tak chu hre tak tak awm ang kan ngaihruatna mai chauh a ni kan sawi ṭhin ka ti a. Van sarihna a awm mihringte siamtu chuan kan chungah hian thu a rawn nei em ni ti nge a ngawih tlat ṭhin si tiin ka thinlung thu in chhekkhawl te chu ka chhakchhuak a roomah chuan mu turin ka lut leh ta a. Khumah chuan mahni in ngaihtuah run chung chuan ka ṭhu a Charlie pawh chu a rawn mu ve a. "Ni hnuai a thil awm chauh i thlir chuan nun hian awmzia a nei lo a sin" a rawn ti a. Ka hla ngaihthlak ka ti ring a earphone ka vuah a ka mu leh ta a. 

 One Hell Of A Song

🎵This is what the Lord wants me to do in my heart, 

I just believe that there's no proof 

I think about the chorus, 

the melody's important But nothing sounds sweeter than the truth

I used to sip the whiskey and hit the bong

I gave that up, now all my friends are gone

And my folks don't understand 

I ain't no macho man

But I know how to write one hell of a song 🎵