Mi chu an phe suau suau a tlai hlau leh hmanhmawh ni awm tak hian an tlan dawr dawr a thenkhat lah mahni hna tul an lo thawk ve mek bawk a, an zavai chuan tih tur in ang leh tum in ang pakhat an nei a chu chu sum thawhchhuah a ni. Mihring nun hi ka ngaihtuah thin a leilung piantirh ata tun dinhmun ngaihtuah hian khawvel a lo changkang chho ve zel a khawsak dan te pawh a lo danglam chho a kan dam khawchhuah theihna tur atan nitin in hna rim takin kan thawk a nghei leh nei lo bik nih hlauin sum dek chhuah tumin kan nitin hun kan hmang thin. Ni e mihring nunah hian pawisa hian thil a ti thei em em a, a tel lo chuan kan nung thei lo a khawsak pawh a ti nuam in a awlsam khawp mai.Rethei leh hausa kan tehna ber pawh sum leh pai kan ngah leh ngah loh lamah a ni ber a, sum hian kan hlimna pawh a la kiang fo ṭhin .Kan dam chhung hian retheih leh nghei hlauin pawisa zawngin damchhung ni kan chhiar ang a engtikah mah duh tawk ni reng a awm dawn si lo kan va hah dawn teh lul em. Pawisa hi kan nun a thil pawimawh tak ni mah se engkim innghahna a ni si lo. Rethei leh hausa te an lungngaih a an beidawnna khawvelah hian sum hian eng nge tih theih a neih le????
Pawisa kan ngah tawk loh avangin kan nu leh pa biangah mittui a luang a, rualawhna ten rual min pawl tir ve lo a, nei lo bik rethei bik a inngaihna te chuan kan rilru suk thlek a tih buai phah fo thin. Retheih leh hausakna kan tehna hi pawisa ah a nih chhung chuan engtikah mah ka hausa in hlawh sang tak ka nei ngai lo ang damchhung hian.Eng hna nge a thawh eng zat nge a hlawh tih ah kan buai a hlawh sang tak nei a ,nihna sang tak chelh te pawh kan ngaisang hle.Hna kan zawng a kan hriat duh hmasak ber pawh hlawh zat, kan pawisa hlawh zat leh kan hnathawh chu a in mil em tih chu a pawimawh mahse chu aia pawimawh leh ngaihtuah muk tur chu pawisa hi kan hnathawh chhan a ni em ? Kan khawtlang nun hian pawisa hi a dah len em avangin thenkhat chu kan nung thiam lo fo thin, pawisa chuan hlimna tam tak min thlenin in leh lo tha tak tak te motor nalh tak tak te min pe thei mahse chatuan a daih si lo. Hei hi kan hre fuh lo in kan hrethiam lo fo ngaihtuah fe pawhin kan man pha lo pawisa hi kan hnathawh chhan a ni tur a ni lo, pawisa hi kan hnathawh chhan tur a ni lo. Hna i thawh chhung chuan pawisa chu i thawkchhuak teh meuh dawn hna sang tak chelh pawhin hlawh tam tak i nei a ni thei pawisa hi kan hnathawh chhan a nih chhung chuan kan buai reng ang. I chhungkua nangmah i inenkawl a midang tan malsawmna i nih theihna tur zawk a kha i hnathawh chhan ni rawh se. Pawisa ai a dah pawimawh hmasak tur a awm tih hi kan hre lo fo.
Kum 2017 Miss World Manushi Chhillar kha judge te zawhna eng hna hian nge hlawh sang tak phu ni a a ngaihdan an zawh a chhanna khan khawvel mipui rilru a hneh hle a nih kha. Manushi Chhillar chuan , “ Nu te hian zahna sang ber an phu in ka hria hlawh kan sawi hian pawisa a ni kher lova,inhmangaihna leh zahna kan lantirna hi sum leh pai aia kan dah pawimawh hmasak tur niin kei chuan ka hria , ka nunah hian ka nu hi phurna leh chona min pe tu ber a ni a,nu te kan tan an inpumpekna zawng zawng ka ngaihtuah in nu nihna hian hlawh sang tak a phu in ka hria,” a ti.
Hausakna te hi hlawh tam leh tlem lamah a innghat lova he mihring rilru duhamna a khat hian duh tawk ni reng a nei dawn lova kan lak luh mil a khawsak thiamna leh mihring hlutna hmù thiam te hian nun hausa leh nun nuam zawk an lo nei ṭhin
Mihring hlutna chu engtin nge kan teh ang? Mihring hlutna tehna säng ber chu Pathianah a ni.
Comments