A-Z KARMA

 

                   ( I pek chhuah ang apiang I dawng let ve ang)

Eng thil nge ka tih tak le zirtirtu

Lalpan he kawngah hian min hruai ?

Nitin a harsatna atanga tal chhuah ka tum lai hian

Lalpa I tel lovin engtin nge ka awm theih ang ?

Ka kut I chelh a thutak kawngah mi hruai a

He ka taksa leh ngaihtuahna te hi

Ka ta a ni lo a ni tih ka hriat hnuin min thlah zalen ta a

Ka thinlungah hian he khawvel a lalber angin I cheng reng a

I ngilneihna leh thatna hi eng tawng mah hian a sawifiah zo lovang.

 

Ka thil tawn mak tak mai pu ka hrilh chuan  ti hian min hrilh a,” Engmah hi chhan awm lovin a thleng ngai lo.Engpawh kan chung a lo thleng thin te hi kan tuh rah kan seng vek a ni, kan thil tih kan chung a lo let leh hi tuman kan tlanchhiat san thei lo a ni,” ati.

Lalpa chuan he leiah hian thil tam tak min hnutchhiah a,ka thinlung leh ngaihtuahna ah hian a awm reng a. Ami hruaina leh khawngaihna hnuaiah chuan ka kun a,a hmangaihna leh tanpuina chuan min zui reng thin.

Ka pu chuan Karma chungchang a sawi thin mihringin an chung a thil tha lo a thlen avang a Pathian hi a dik tawk lova an ngaih thin thu te chu lehkhabu in a ziak a. Law of Karma hi a awm  a ni tih an hre lo a ni. He khawvel a thil thleng hi a bul ret atangin Pathianin engkim hi a thunun sa vek lo a,engkim hi law of Karma hian a thunun vek zawk a ni a ti.

 He khawvel hi hmun danglam tak a ni a mihring tluklehdingawn riat,rannung,ramsa,thingkungte maktaduai engemaw zat an awm bawk na hmun hi khawi planet dang mahah hian an awm ve  theih beisei a ni lo. Heng hi engtin nge a awm theih ? Tunge thlen tir ?

Kan awm ngei , ni e mahse khawi atangin nge kan lo kal a khawiah nge kan chhuah leh thin.Tuman finfiahna dik tak an hmu lo.Engtin nge a thlen theih a tuin nge awm tir ? Nun hi tihpalh thil thu a lo thleng a ni lova, kan hriatthiam loh ngaihtuah thiam loh piah lam daih a ni mahse a takin a thleng ngei si .Ni a lo chhuak a a tla leh a,sik leh sa pawhin hun bi a nei a, kan piang a kan thi leh thin ang hian he dan hi finfiahna tak awm lo mahse vanah ball I vawm chho a chhumah a bo daih lova leiah a lo let leh a ni tih pawh tunge dik thlap a finfiah thei a a bo theih ring lo mahse lei hip na chu a awm ngei a ni tih kan hria.

Law of Karma ah chuan kan thil tih chu kan chungah a lo let leh thin tih a ni. Engmah hi chhan nei lovin a  thleng ngai lo.Tomoto I chin chuan theihai a rah ngai lovang.He dan hian thih hnu piah lam ram thlengin kan thlenna tur a thunun a kan hun kal tawhin kan tun nun a thlen a, kan tun hun hian kan hmalam hun tur a rem fel vel vek bawk a ni.

He dan,” Law of Karma,” hi awlsam hmel takin lang mahse mi zawng zawng in a tih a kan tih ngai leh  leilung dan kalhmang buaichuar tak mihring ngilneihna pawhin a tlin loh hial khawp a pumpelh har tak thil a ni.

He dan hian thihna ata min chhanchhuak lova, taksa a lo thih chuanin ngaihtuahna a bo in mihring hriatna zawng zawng an bo tawh a ni. Amaherawh chu Law of Karma ah chuan taksa thar neiin kan lo piang nawn leh dawn a ni.Hei hi khawvel a kan awm zel dan tur lan dan a ni.

Kan thih a kan pian nawn leh hma chu Law of Karma hian min thunun reng dawn a, eng ang a tam pawh thihna leh piannawn lehna hi lo tem lawk pawh ni I la kan hlim emaw harsatna eng ang pawh lo tawk pawh ni ila he dan hnuaiah hian tlan chhuahna reng a awm lo a ni.

He dan hian awlsam takin a sawi a – Kan pek chhuah ang chu kan dawn let tur a ni. He dan hian he khawvel leh thil engkim siam tu tih loh ah chuan thil tih theihna sang tak a nei a A to Z law of karma hi han zir chiang dawn ila chu thil chu kan tih theih chuan chhungril lawmna nasa tak nen he thih leh pian nawnna inkarah hian thlamuang takin kan nung thei tawh ang.

 

     “KARMA” CHU ENG NGE NI ?

Karma chu he khawvel dan hi a ni a

Kan thil tih leh a nghawng tih pawhin a sawi theih.

Law of Karma ah chuan

Kan pek chhuah ang apiang kan dawng let leh thin.

He dan atang hian tumah an tlan chhuak theih lova

Thil tha lo chu mi tha te chungah erawh a thleng ngai lo

Kan nun a thil thleng chu kan tuh rah vek a ni.

 

Rin loh leh ngaihtuah thiam phak loh thil duhawm lo tak a lo thleng a he thil hi engtin nge a thlen theih tiin kan au chel chul a law of Karma chu amah in a lo lang chhuak mai a.Ni e a dik a lawm kan hriatthiam loh thil te hi tun hnai ni lo hman a kan lo tih tawh thil te tunah kan dawn let ve chauh chang a tam lutuk hei hian a ti chiang hle a ni Law of Karma hian kan thil tih rah min seng tir ngei ngei tih hi.

Law of Karma chu mi zawng zawng huap a nih vangin tumah a thliar hrang lova Christian I ni emaw, hindu,muslim,sikh emaw jain i ni emaw dan khat mual khatah in tluk tlanna in tupawh in kan tuh rah kan seng vek dawn a ni.Eng sakhua pawh zawm mahla he dan atang hian i fihlim thei bik lo a ni.

Law of Karma kan hriatthiam loh hian Pathian chungah kan vui thin a, Lalpa eng a ti nge mi tha te chungah hian thil tha lo a thlen thin le tiin, a nihna tak ah chuan mi tha te chungah thil tha lo a thleng ngai lo a he dan Law of Karma hian a rem ti lo a ni. A chang chuan heng thil duhawm lo te hi ti nge mi tha te chungah a thlen thin tih kan hrethiam lo a mahse hun kal tawh a kan thil lo tih tawh ten min vaw let ve a ni tih kan pawm mai tur a ni.

Mihringin he Law of Karma hi kan hrethiam lova thil sual kan ti a dawt kan sawi a tual kan that a mi kan tina a nun rawng takin kan khawsa thin a,chu mi chung chuan thil tha dawn kan beisei thin a chu chu thil theih loh tawp a ni. Vawiin ah emaw naktukah emaw engtik ni ah emaw chuan kan thil tih hian min la vaw let vek dawn a ni. Kan thil tha lo tih zawng zawng hi chinchhiah vek a ni a a bo a bang awm lovin kan dawng let leh vek dawn a ni chutiang chiah chuan kan thil tha tih pawh pek let in kan awm ang. He dan hi nunrawng tak a ni lova, hremtu ni lovin siam tha tu a ni.

Mihring nun zinkawngah hian min pui a kan thil tha tih ah lawmman min pe a kan tihsual ah min hrem thin. A tum ber chu he khawvel kan chhuah san hma a mihring siam that hi a ni. Police ang a misual chang reng ang a ni lo a ni. He dan hriatthiam loh avang hian kan chungah harsatna a lo thlen hian hrethiam lovin kan tap mai thin a chu ai chuan a tha lam zawk thlir thiam a kan tuh rah kan seng a ni tih hria a thil tha tih a lawmman ropui tak chatuan a ral thei tawh lo tur thlir chung a hmalam pan hi a tha ber chu a ni.

 

Law of Karma chuan kan dawn let tur atan

kan thil tih zawng zawng a tha leh chhia a chhinchhiah vek a

“Miin a theh apiang chu mi chu a seng ang”

Thil tha tih chu hlawhtlinna in a umzui thin a

Thil tha lo tih erawh vanduaina in a umzui thin

Engmah hi vanneih vang a thleng a awm ngai lo.

 

 

 

I chungah thil tha lo a thlenin vui mai lo la.

Thil mak tak a lo thleng a nih pawh in eng a ti nge ti suh ang che.

Karma chuan I thil tha lo tih a lo vawm let leh a ni mai a

Thil sual tih bat I neih tawh loh hunah hlim takin I awm thei tawh ang.

 

 

 

( A-Z KARMA hi Atman in Ravi ziah a ni a tunah hi chuan kimchang lo deuhin a tlangpui chauh ka rawn la chhuak rih a lehkhabu a mi ka rawn sawi chhuak mai a ni a ka pawm zawng leh lairil fan tu a ni  ber chuang kher lo tih min lo hriatpui dawn nia , nakin a a dan leh dun te a ai chiang zawk a rawn dah leh ka tum dawn nia. )