ṬHATLAI NUN

 

Mihring tungchho a kal nitin ama tan a thâwk la ṭhin, chhia leh ṭha hriatna nei a minung ram khawvel a awm suangtuahna leh duhthusamna in a ei ral mek nunah hian Bible chuan kan ṭhatlai chen a hlim tak a awm turin min ti a, mahse hriatreng tur pakhat a la awm Pathian ṭih la a thupek te vawng rawh chu chu mihring zawng zawng tih tur a ni si a.

Kan ngaihtuah ngai em thalai tam tak te hian kan ngaihzawng ni lo vei kan neih loh zia te, neih tawk lungawi pui aia a changkang apiang a mawi leh nalh apiang kan beisei a kan beisei zel a kan beisei zawng zawng a thleng thei si lova kan in dawm kún a vui hmui kan pu leh fo ṭhin. Neih tawk bâk a lungawi ai chuan nu leh pa kan kar chhuak a, kan pawnlam lan dan chu branded hlirin khat mahse chhunglam erawh jumble sale ang lek a ni leh lawi ṭhin. Nu leh pain kan fate kan enkawl danah te ṭhalaite pawhin kan khawsak phung hi i inenlet fovang u.

Rethei dinhmun a ding ngai lo chuan sum thawhchhuah har zia a suangtuah phak ngai lovang a, mi thatchhe tan hun hian hlutna a nei ngai lo ang hian ngaihtuahna a ṭha lam a seng ngai lo mi chuan a thawhchhuah aia tam a eiral ṭhin chu chu keini ṭhalai te hi kan ni. Khawvel a thil ho ber i hre duh em? Damlai a Krista hnungzui aia kan thlan lam kawng zawh hi a ni. A chhan chu kan thih hnuah Krista hnung a zui theih tawh dâwn si loh.
Krista hnungzuitu nih hi a awlsam lo a ni tih kan hriat a kan pawm a kan inpeih a ngai a ni.
Nunah Krista nei tur hian Amah duhna tak tak, nun tuihalna neih hmasak a ngai ṭhin, chu chuan Pathian pawl tam lo thei lovin min siam a ni.

Ruihhloin ṭhalai tam tak min ei chhe mek a, hremhmunin lei a kan tawrh aia nasa hrehawmah min hnuk liam mek zel a, a pawiin a lungchhiatthlak a ni. Kan ṭhiante kan chenpui kan unaute hetiang dinhmun a ding mek hi an awm ang, an tan thiantha, fuihtu, ṭanpui an ngaihna a tlanchhe lovin, ngaihsak a ṭawngṭaisak tu Kristian Ṭhalai ni thei tur a kan inbuatsaih a hun tawh a ni.

Setana hian kan ṭhatlai hun hi a chhe thei ang ber a hmang turin kan chak lohna lai zawn  theuhah kawng tinrengin min thlem ve reng bawk a, kan ṭhatlai hun kan hmang ṭan dawn chauh emaw kan tih laiin sualah tluin hun lo takah nupui/pasal ah kan inneih a ṭhalai kan kiam zel a naupangtê niin nu leh pa thuawihna pawisa lo ṭhin khan nu leh pa nih kan chang ve leh chhawng a nun hi chu a kal dik thei tawh lo ṭhin a ni. Dik tak chuan thu ṭha hian min daih zo tawh lova eng infuihna mah hian min pawt kal zo tawh lo a ni ber. Mahse hei tal hi lo vawng reng rawh Lalpa ṭihna lo chuan miin sual a kalsan thei lova Pathian hi i hmangaih takzet a chatuan nunna neih a leiah pawh thlamuanna i neih theih nan a thupekte chu zawm ṭhin ang che..

Johana 14:15
Nangnin mi hmangaih chuan ka thupekte chu in zawm ang.

I hmangaih tak zet em Pathian hi?
A thupek zawm hi hmangaihna a ni.
Engkim a inghah hi a thu zawmna a ni.
Pathian thu a thuthlukna i siam ngamna zelah hian Pathian thuawihna chu a lo awm a ni.