Inkhawm dar a lo ri a hmanhmawh takin ka insiam sawk sawk a inkhawm turin ka chhuak ve nghal a.Campers ho chuan thutna lai chu an luah khat hneh hle mai.Nu ho thutna ah chuan ka va thu ve a phur loh hmel phur lo ni chuang miah lo phur em em pawh ni chuang lo in hla an sak mek chu ka zawm ve nghal a.
Ka nunah hian engmah hmasawnna ka hmuh ka hre ngai lo a ka kal ngaiin ka kal reng a keimah hi ti hian ka ni deuh tawp ni mai hian ka inhria tih pawh hi he thu ka ziah dawn lai hian ka hria.
Lamtualah chuan an lam mup mup a
Hmelthar an tam a ni pawh saw, saw pawh saw a ni chu tih lam pawh ka ngaihtuah chuang lo chutiang khawp chuan midang nun a buai lo chi mahni hmasial tak mahni tan a nung tumah vanram kan in kai sak dawn lo an sual chuan an tan vek a lawm ti a mahni hmasial tak mi ni in ka in hre fo thin. Campers ho zai tur a an sawm lai chuan counselor pakhat chuan zuin thin te damdawi rui thin te kha lamtualah lo chhuak ru le a ti mai chu mipui ho an nui deuh hak a keizawng ka rilru a dek chiang khawp mai, an lo chhuak ta dar dar hlawm a chu hmunah chuan ti nge ruih hmangte chauh koh chhuah an nih bik a ti nge mi chapote,ruk hmang te, mi rel ching te, ti nge chutiang ho zawng zawng chu koh chhuah an nih ve loh le tiin keimah ah zawhna ka lo in zawt a, chung zawng zawng chu ko chhuak ni se ka bang hauh bik lovang mahni insitna in ka khat a misual piangthar an tih khang ruih ching ho te aia ka tlin bik loh zia te ka in hmu chiang em em.
Zuin mi te damdawi ti thin te khan an sualna kha thup bo a ngai ve re re lo, miten an hmu a an hria a an nihna zawng zawng nen Pathian an fak thei a nih chu a va ropui tak em. Misual piangthar kan ti a hnunglamah eng chen nge a daih ang tiin kan sel zui a ni mahna, zanin zet zawng an nun kha ka va awt tehreng em. Zu kan in in damdawi kan rui ve kher lo pawh a ni thei, kan hmaikawr hi hlip a kan nihna tak tak pho lan a nih meuh chuan heng misual piangthar kan tih te ai hian sual sim tur kan lo ngah viau lo maw tiin ka ngaihtuahna te chu a lo vak kual nuai a.
Mite hmuhin tha leh fel angin lang thin mahila
Mahni bawk hian a ni kan nihna dik tak chu hre chiang ni, kan thinlung erawh kan bum thei hauh si lo hei vang hian a ni ang Pathian pawh hian kan rilru lam a lo thlir zawk thin.
Krista tel lo nun hrehawm zia hria in kan tisual nawn fo a, kan dai pelh a kan tisual nawn fo a kan ti sual nawn leh fo thin ani.
Theih tawpin Pathian an fak a an awrawl tawp thleng a Pathian fak a an zai te chu ka awt ngawih ngawih a ni.
Heng zawng zawng vang hian a ni 'MISUAL' ka lo nih le...!!!!!
Comments