Ka nun a thil ropui tak ka tih chu
'THIH' chak ngawih ngawih a ka awm lai a
'DAM' ka lo thlang ta zawk kha a ni.
Hun rei lo te a tan mai ka tan hun hlu te chu hun lo tak maiin hun duhawm lo ah chantir tawh mahla hun duhawm ka tan min pek ve avangin khawvel a ka hun hman liam takah te hian hun duhawm ti a ka hringnunin hunbi a chhiar let apiang a ka thinlung a thi ve tawh ngai lo tur a hun duhawm bik nung reng tawh tur a chang a hun hlimawm a changa hun lunglenthlak, a chang a hun lungngaihthlak a chang a hun ngaihawm min pek ve tawh avangin hringnun khawvel a hunbi ka chhiar ti kimtu i ni reng fova, ka tan hun tha chu engtiang pawhin herchhuak thei tawh lo mahse ka tan hun tha ber erawh i kianga ka hun hman tak chauh kha a ni tawh ngei ang tih kha ka hun tawn te khan min hriattir thin.
I kal a, thinlungah erawh i kal liam thei chuang lova hla takah i suangtuahna zawng zawng te chu mitharah suangtuahna thar leh nun thar nen bul i tan mek lai khan ka lairil suangtuahna erawh a neitu i la ni fan a, a neitu tel lo suangtuahna te chu engtikah mah a kim thei ngai lo.Ka hmangaihna zawng zawng i hnawl ni khan pakhatmah a kiam lo, a pangngai rengin an lo let leh a i hnen thleng zo tawh lo turin ka thinlungah hian i chhek khawm chauh a ni.Ka hmangaihna che kha a neitu i ni duh lova keiman ka vawng tha reng tawh zawk a, i vawn theih loh hmangaihna hi tuman min chhuhsak thei dawn lova neitu awm lo hmangaihna hi ka hmangaihna neih chhun a nih avangin i tan chauh hmangaihna hian a rukin min vel fo thin.Hmangaihna zawng a hmangaihna mal ber anih avangin i tel lohna khawvel hi ka tan chuan hmunruak leh ram reh tak a ni.Khawvelah hian mahni chauh a awm ang mai ka ni.I hnen thleng thei lovin ka thinlung aw rawl tawp hian a la au che a suangtuahna mitthla hian hmalamah hlimnain min thlir fova mitthla mai zawng a tawk zo lo a ni tih hrethiam tu ngei chuan min hnungchhawn tawh si.Engkim mai hian nang min ngaihtir thin mahse engkim nang ka ngaihna che hian natna khirh khan tak min vei tir in damna kawng a awm lo ka hringnunah mual min liam san tawh si a. An sawi thin damlai thlan thim a chhunga awm te tan chauh lo chuan thim chhah tak a ni tih hi a hriat si loh thim zing a enna pe tu chu nang chauh lo chu thim ti thim zual tu an ni thin. Ka nun ti eng zo tur a ka nunin hmangaihna mit a a hmuhfiah awm chhun chu i ni si a.
I la dam, i tan erawh ka thi tawh. Thi tawh nunah erawh thi thei tawh lo hmangaihna a awm reng a, hmangaihna nung reng hian i tan min ti nung zo ve lova i thinlunga thi tawh hnuah Hmangaihna nun reng chu a la awm a ni tih i hmuh theih loh na turin i tan ka thi tawh miau a ni.Nimahsela, ka thinlungah i nung reng ang hian ka hmangaihna che pawh hi a la nung ve reng a ka nun a i thih ve hun tur chu mi zawng zawng tan mitthi ti a minung ram ka chhuahsan hunah chauh a ni. Ni lo, ka rauthla tal pawn a la umzui reng che hi ka la ring fo.
Heng thil ka sawi zawh tak zawng zawng te hi lo kir leh tur a ka duh vang che a ni lova i tel lova ka suangtuahna i lamah chhum lo chat lovin ka lo hmang ve reng a, ka hringnunah hian hmangaihna thawnthu hi a thar ziah tur ka la nei ve rih lo a ni tih hriat tir che hi ka tum dan chauh ani.I hlim em em a i tan a tha lo ka nih vangin i tana tha chu i thlan loh ka duh lova i thlan erawh i tana tha ni zel zawk se la, i thlan lam kawng daltu nih ka duh loh ang bawkin heng ka suangtuahna khawvelah tal hi chuan ka tan mi bik i nih hi min phalsak ve tur che in ka dil chauh che a ni tiin ka hun leh ni te ka lo hmang ral thin.
Comments