Awmawmi

Mimkut thla ni 2, 2015 a ni a, Mediterranean tuipui Turkish vaukamah chuan Syrian naupang kum 2 leh thla hnih a upa Alan kurdi chu hmai phum zawngin a ruang chhar a ni. He thu hian khawvel pumpui ngaihven leh hriat a hlawh em em a a thihna hian khawvel pumpui a raltlan naupangte mahni sahimna lam pan a boralte a hriatreng tir a ni.  Syria ram hi tun hma atang tawhin mimal rorelna duh loh avangin buaina a tam hle tawh a. Kum 1971 ah khan Hafez Al Assad chu President ni a, kum 2000 ah boralin a fapa Bashar Al Assad in a rawn thlak a ni. Amah duh lo tuten tharum hmangin paih thlak an tum a, ISIS leh Alqaida ten kua an lo hreuh ve char char bawk nen civil war rapthlak zet mai a chhuak ta a nih kha. Mitam tak mahni sahimna zawngin an raltlan a Alan Kurdi te chhungkua pawh Canada a an chhungte bel turin Mediterranean tuipuiah lawngin an inkar phei ve a vaukam lehlam thleng hman lovin Alan kurdi leh a unaupa leh a nu chu he tuipuiah hian chesualin an boral ta a ni. An pa ber e...

Kum 2024 Pawlkut thla chawhma lam a ni a khumah hla ngaithla pahin lehkhabu ka chhiar a tukverh aṭang hian thli hian min rawn chhem heuh heuh a, a vawh deuh ser ser avangin fan off tur chuan ka tho a tukverh lam ka va hawi phei chu ka hmuh theih chin zawng zawng hi chhum hian a lo khat vek mai a, a mawi ngang mai. Hla tak a chhimbal zam mawi tak chu ka va hmù thei bawk . Thlalak tumin ka phone ka la a tukverh ka hawng a sava chi hrang hrang hram ri te chu ka hre thei a rimawi hian min awi a ni ber. Ka awmna hmun chu vanram ang mai hian ka hria, boruak a nuam in a thiang em em bawk a ka mumang a nih deuh ring in ka taksa ka sik leh ṭhin a tak ngei a ni bawk si.Ka lehkhabu chhiar lai ka va la a tukverh a dâk chung chuan phek lo in keu sa chu ka chhiar nawn leh a;              'Twas my one Glory                         Let it be               ...

Engtik niah nge a thlen ve ang tih ngaihtuahin khawvel chu nitin ka hmachhawn a inhnem nan hla ka ngaithla a lehkhabu chhiarin khawvel dangah ka suangtuahna ka vahkual tir ṭhin.  Van a mawi em em lai te Ni tla turin thinlung a khawih ṭhin lai te khan engkim a that leh vek ka beisei ṭhin a, a ṭha vek lo a nih pawhin inhnemna hla ngaihthlak tur a lo awm ṭhin .  Khawvel hi lungngaihna ram a ni Mahni inhnem fo a ngai Rei deuh mah se dawhtheihna hian hlawhchhuah a nei ṭhin  Chu hun chu engtikah emaw chuan a la parchhuak ve ngei hian ka ring  Khawvel hian min nghah theih chhung chu hawi chhuak ila hmalam panin tlan zel ang.  Thim a chhah leh êng a zual ṭhin. ✨