Awmawmi

Hmangaihna avanga Ka nun a thil ropui tak ka tih chu 'THIH' chak ngawih ngawih a ka awm lai a 'DAM' ka lo thlang ta zawk kha a ni. Hun rei lo te a tan mai ka tan hun hlu te chu hun lo tak maiin hun duhawm lo ah chantir tawh mahla hun duhawm ka tan min pek ve avangin khawvel a ka hun hman liam takah te hian hun duhawm ti a ka hringnunin hunbi a chhiar let apiang a ka thinlung a thi ve tawh ngai lo tur a hun duhawm bik nung reng tawh tur a chang a hun hlimawm a changa hun lunglenthlak, a chang a hun lungngaihthlak a chang a hun ngaihawm min pek ve tawh avangin hringnun khawvel a hunbi ka chhiar ti kimtu i ni reng fova, ka tan hun tha chu engtiang pawhin herchhuak thei tawh lo mahse ka tan hun tha ber erawh i kianga ka hun hman tak chauh kha a ni tawh ngei ang tih kha ka hun tawn te khan min hriattir thin. I kal a, thinlungah erawh i kal liam thei chuang lova hla takah i suangtuahna zawng zawng te chu mitharah suangtuahna thar leh nun thar nen bul ...

Inkhawm dar a lo ri a hmanhmawh takin ka insiam sawk sawk a inkhawm turin ka chhuak ve nghal a.Campers ho chuan thutna lai chu an luah khat hneh hle mai.Nu ho thutna ah chuan ka va thu ve a phur loh hmel phur lo ni chuang miah lo phur em em pawh ni chuang lo in hla an sak mek chu ka zawm ve nghal a. Ka nunah hian engmah hmasawnna ka hmuh ka hre ngai lo a ka kal ngaiin ka kal reng a keimah hi ti hian ka ni deuh tawp ni mai hian ka inhria tih pawh hi he thu ka ziah dawn lai hian ka hria. Lamtualah chuan an lam mup mup a Hmelthar an tam a ni pawh saw, saw pawh saw a ni chu tih lam pawh ka ngaihtuah chuang lo chutiang khawp chuan midang nun a buai lo chi mahni hmasial tak mahni tan a nung  tumah vanram kan in kai sak dawn lo an sual chuan an tan vek a lawm ti a mahni hmasial tak mi ni in ka in hre fo thin. Campers ho zai tur a an sawm lai chuan counselor pakhat chuan zuin thin te damdawi rui thin te kha lamtualah lo chhuak ru le a ti mai chu mipui ho an nui deuh hak a keizawng ka r...

Ruahtui lo haw in ka hrechhuak fo thin ka 'Nu' Hreawm leh natna te tuarin rim takin ka tan a thawk a Ruahsur karah peih loh a sawi ngai lo ka tan 'Ka nu ka nu lo haw thuai thuai Tlangah ruahpui a sur e Sakhi lampeng rawn zawh la Rawn zangphar der der ang che tiin Nghakhlel takin ka nghak chhuak fo thin. Hun leh ni te a lo in her danglam a Chhum rei lo te lo ang a ral leh mai ang in Ka 'NU' khawnge i awm tiin luaithli ka nul a Famchang si lo chûnnu ngaiin Kei a riang fa hian Zan mu zingah ka chhing fo thin. Ruahtui lo haw hian Ka nu lo haw thuai thuai tiin Ka la in awi mu fo thin. Ruahsur kara thli thaw ri vuk vuk te hian khawhar a ti zual bik thin; hetiang huna rizai lum tak hnuaia inthawlh paha mut veng veng hi Kei 'MISUAL' hian nuam ka ti ber mai.