Awmawmi

Phone aṭang chuan ka u in pa Muanpuia theihai kung aṭang a tlak thu leh a spinal cord a sawh chhiat tel avanga a kal theih tawh loh maithei thu min rawn hrilh a, pawi ka va han ti vawng vawng tak. July 8, 2024 zing dar 5:30 vel a nia ka mut tui lai tak chuan phone a rawn ri leh a ka pa in, "I pa Muanpuia a thi a," a rawn tia ka pa aw aṭang chuan hrehawm a tih zia ka hre nghal thei. A van pawi tak tih bak sawi tur kan nei si lo. Sikul ka va kal a nilengin ka rilru ah a awm a, note ka check lai te chuan ka ngaihtuah reng a ka mittui te hi a tla dâwn dâwn a ka insum leh thei hram ṭhin. Tlai sikul banah ka pa ka phone leh a pa Muanpuia te inlamah chuan a lo awm a ka pa nen chuan rei tak kan in bia a kan mittui te a tla dûn hial. Kan ngaih tur thu leh a awm lo tur a khawharthlak zia tur ringawt te chu kan sawi a ka pa pawhin a tuar thiam lo hle in ka hria. Patling meuh phone ah a ṭap a nia. Thihna hi kan dan theih ni lo mahse a tuar tu tan chuan a va na vawng vawng tak...