Awmawmi

Suangtuahna te hian thlen tawp chin a nei ve tawh ngailo lai tak hi Hmangaihna lipui thuk zawk a min luh pui thin tu a ni chiang mai. A tak ni lo beiseina hi rinna a ni a,a lo thleng ngei ang tih pawmna hian Hmangaih zual zel turin chakna min pe a,lang lo leh hmuh phak loh chhungril ah min phuar nghet tlat thin.  I thinlungin a chelh ngheh tlat tawh mi chu a nihna leh dinhmun vangin i thlang ber tawp lovang. A laka lungawiloh pui tur i hmuh tel teuh chung pawh a, i thinlung chhungril chuan a huat theih loh mi chu, chu mi ngei chu i thinlungin a hmangaih dik tak chu a ni.  Hmangaihna kawng chu a rualrem in a tluang bik vek kher lo a,rem lo chung pawh a invawn ngheh tlatna ah hian Hmangaihna dik tak chu a lo lang chhuak leh thin zawk a ni.  I Hmangaih lakah chuan i thinrim fo na chhan hi i huat vang a ni lova,nang chauh hi ka thlang ber che a tih theihna tur a a thinlung ilamah rem dik sak i tumna leh midang ta ni tur a midang tan i phal loh vang chauh a ni ngei...